21 лютага азначаецца Міжнародны дзень роднай мовы. У нашай шкоое ў гэты дзень праводзіліся мерапрыемствы, галоўнай мэтай якіх было паказаць, што родная беларуская мова натхняе вучняў на творчыя ініцыятывы.

Вучні 9–11 класаў прынялі ўдзел у акцыі “верш у кішэню”. Дзеці віншавалі жыхароў горада са святам, раздавалі буклеты з вершамі на роднай мове.

Для жадаючых праверыць свае веды была праведзена акцыя “Пішам дыктоўку разам”, у якой прынялі ўдзел не толькі вучні, але і прадстаўнікі адміністрацыі школы, настаўнікі.

Увесь дзень у нашай школе гучалі песні на роднай мове, дэманстраваліся відэаролікі з выявамі роднай зямлі.

У фае школы была размешчана інтэрактыўная выстава “Я роднай мовай ганаруся”, падчас якой усе жадаючыя маглі выказаць свае пожаданні роднай мове.

Лідзія Полазава 
Родная мова
Вы паслухайце родную мову: 
Жаўруковаю песняй звініць… 
Колькі фарбаў, адценняў у слове! 
Як пявуча ліецца-гучыць! 

Васількамі, рамонкамі шэпча 
У квяцістых, раздольных лугах. 
Гулкім рэхам гамоніць у зарэччы, 
Салаўінаю трэллю ў гаях. 

То шчымліва, журботна галосіць, 
То вясёлкай над борам плыве. 
Так у госці ласкава запросіць, 
Так бяседу гасцінна вядзе! 

Хай жа іскрыцца сонцам вясеннім, 
Спелым коласам нівы шуміць! 
У карагодзе кружыць вясельным 
Веру, мова мая – будзе жыць! 

Мілагучная і ласкавая! 
Не згубілася ў цемры вякоў. 
Мой святы пасаг, мая спадчына – 
Мова родная, мова бацькоў!