Вечна светлы i вечна дужы,

Вечна юны, як наша зямля.

Мы табой ганарымся — і плачам,

Мы нясём цябе ў сэрцы праз дым.

Нізка голаў схіляю, юнача,

Перад вечным глаголам тваім.

                           У. Караткевіч. «Багдановічу»

Максіма Багдановіча называюць песняром красы і гармоніі. Вялікая любоў жыве ў народзе да яго паэзіі, да яго самога – як чалавека таленавітага і самаадданага. Кожнае пакаленне зноў і зноў адкрывае для сябе веліч асобы паэта і незвычайнае хараство яго лірыкі. Максім Багдановіч – гонар і слава беларускай літаратуры, адзін з самых знакамітых і любімых паэтаў.

Да 130-годдзя з Дня нараджэння Максіма Багдановіча ў школьнай бібліятэцы арганізавана выстава-агляд “Святло паэзіі Максіма Багдановіча”. Наведвальнікі могуць пазнаёміцца з жыццёвым шляхам паэта, пачытаць і паслухаць яго вершы, патрымаць у руках першы і адзіны зборнік вершаў “Вянок”, надрукаваны пры жыцці паэта, паўдзельнічаць у віктарыны па творчасці Максіма Багдановіча.

Выстава будзе працаваць да 8 снежня.